 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Чыстым інеем пакрыты
На гасьцінцы беразняк,
Космы густа ім абвіты;
Ў белым сьнезе маладняк.
Сьвішчуць сані на марозе,
Коні рвуцца і хрыпяць.
Крык і гоман на дарозе,
Бомы стогнуць і зьвіняць.
Ськверыць холад. Пабялелі
Вусы, сьвітка вазака,
Толькі шчокі счырванелі
Ад марозу ў мужыка.
Перад сьвятам заработкі,
А дарога, як сьляза...
Толькі бухаюць калодкі,
Толькі сьвіст ад палаза!..
|
|
|
|
Падабаецца
Не падабаецца
|
|
|
2009–2022. Беларусь, Менск.
|
|
|
